Birna Björnsdóttir
Birna Björnsdóttir hefur unnið sem danshöfundur árum saman og sett upp fjölda sýninga ásamt því að vera danshöfundur í fjölda vinsælla söngleikja. Þar má nefna söngleikina Grease og Gosa í Borgarleikhúsinu, söngleikinn Fame í Vetrargarðinum, barnaleikritið Kalla á þakinu Borgarleikhúsinu og uppfærslu Þjóðleikhússins á Ástin er diskó, lífið er pönk.
Birna hefur einnig verið höfundur dansa og sviðshreyfinga fyrir Eurovisonfara Íslendinga árum saman og hefur unnið mjög mikið við auglýsinga- og myndbandagerð. Þá er ótalin vinna hennar við framleiðslu Latabæjarþáttanna, þar sem hún hefur haft umsjón með dansatriðum allt frá upphafi.